AQSh va Eron oʻrtasida tinchlik boʻlishi haqidagi umidlar fonida neft arzonlamoqda
Yanvar oyida yetkazib beriladigan Brent nefti bir barreli uchun 90 dollardan pastga tushdi. AQSh sharqiy sohil vaqti bilan soat 5:33 ga kelib, uning kotirovkalari 2,65 foizga pasayib, 90,14 dollarni tashkil etdi. Amerikaning WTI nefti esa 2,4 foizga arzonlab, 84,78 dollarga tushdi.
Bozor Donald Trampning bayonotlariga munosabat bildirdi. Qatar bosh vaziri bilan uchrashuvdan soʻng AQSh prezidenti Eron bilan mojaro tez orada yakunlanishi mumkinligini, Tehronning harbiy salohiyati esa amalda tugaganini aytdi. Uning soʻzlariga koʻra, Fors koʻrfazi mamlakatlari hozirgi vaziyatni, yaʼni Eronning dengiz orqali blokadasini saqlab qolish tarafdori.
ING tahlilchilari narxlarning pasayishini kotirovkalardan geosiyosiy ustama chiqib ketayotgani bilan izohladi: Fors koʻrfazidan yetkazib berishlar tiklanmoqda, Eron esa Ormuz boʻgʻozi masalasidagi pozitsiyasini yumshatishi mumkin. Biroq FGE raisi Fereydun Fesharaki tinchlik bitimi boʻlishiga shubha qilmoqda. Uning fikricha, tomonlar oʻrtasidagi kelishmovchiliklar juda jiddiy va Tramp yo gʻalaba eʼlon qilib, chekinishiga, yo urush boshlashiga toʻgʻri keladi.
Yana oʻqing
Oʻzbekistonda 357,9 mingta faol yakka tartibdagi tadbirkor bor
Iqtisodiyot6-noyabr, 18:43
Raqobatchi SpaceXʼning mobil aloqa bozoriga chiqishini kamida 200 mlrd dollarga baholadi
Iqtisodiyot6-noyabr, 13:06