Nvidia rahbari josuslik mojarosi markazida: kompaniya ichki tekshiruv oʻtkazadi
Yakshanba kuni Nvidia direktorlar kengashi kompaniya bosh direktori Jensen Huang faoliyatini tekshirishini maʼlum qildi. Bunga u «xorijiy razvedka faoliyati obyekti» boʻlishi mumkinligi haqidagi xabarlar sabab boʻldi.
Oʻtgan oy The New York Times nashri AQSh maxsus xizmatlari maʼlumotlariga tayanib, Huang Xitoy fuqarosi Alice Huang bilan yaqin munosabatlar oʻrnatgani haqida yozgan edi. U Janubi-Sharqiy Osiyodagi Nvidia kompaniyasining eng yirik mijozlaridan biri boʻlgan Singapurdagi Megaspeed kompaniyasiga rahbarlik qiladi va nashr maʼlumotlariga koʻra, Pekinga axborot uzatgan.
Huang xodimlarga yoʻllagan maktubida xotiniga xiyonat qilganini tan olib, «toʻliq javobgarlik»ni oʻz zimmasiga oldi. U ayolning ismini tilga olmadi va uning Xitoy bilan ehtimoliy aloqalari haqida hech narsa yozmadi.
Direktorlar kengashi hozircha Nvidia kompaniyasining milliy xavfsizligi yoki tijoriy siri zarar koʻrgan, deb hisoblash uchun «asoslar yoʻq», deb hisoblaydi, biroq puxta tekshiruv oʻtkazishga vaʼda berdi. Kengashning aytishicha, Huang hamkorlik qilishga tayyor.
AQSh prezidenti Donald Trump Nvidia rahbarini himoya qildi: «Menimcha, u halol yigit. Menimcha, ehtimol, uning bunga izohi bordir».
