Netflix kayfiyatga mos film va seriallarni tanlaydigan AI Discoverʼni sinay boshladi
Netflix AQShda AI Discover yorligʻini bosqichma-bosqich ishga tushira boshladi: u kayfiyat, qiziqish va boʻsh vaqtga qarab film hamda seriallarni tavsiya qiladi.
3 noyabr kuni Netflix qoʻllab-quvvatlanadigan televizorlarda yangi yorliqni sinay boshladi. Hozircha undan AQShda xizmatdan ingliz tilida foydalanadigan foydalanuvchilarning kichik bir guruhi foydalana oladi.
AI Discoverʼda «Yengilroq biror narsa», «Meni qoʻrqit», «Oilaviy oqshom» yoki «Tezkor tomosha» kabi mavzularni tanlash mumkin. Shundan soʻng xizmat mos tavsiyalarni koʻrsatadi. Foydalanuvchi soʻrovni aniqlashtirishi, tanlovni boshidan boshlashi yoki qaysi variantlarni boshqa tavsiya qilmaslik kerakligini belgilashi ham mumkin.
Funksiya foydalanuvchilarning real vaqt rejimidagi fikr-mulohazalarini hisobga oladigan Netflixʼning yangi intellektual qatlami asosida ishlaydi. Kompaniya bu yorliqni sinov maydoni deb atamoqda: foydalanuvchilar munosabatiga qarab qaysi vositalarni takomillashtirish va asosiy interfeysga koʻchirishni hal qiladi. Yaqin haftalarda undan foydalanish imkoniyatini kengaytirish rejalashtirilgan.
Yana oʻqing
Oʻzbek teatr sanʼati Turkmanistondagi xalqaro festivalda namoyish etildi
Madaniyat9-noyabr, 15:49
«Mumkin boʻlgan muhabbat» onlayn namoyish etildi. Koreys dramasini allaqachon «Parazitlar» bilan bir qatorga qoʻyishmoqda
Madaniyat6-noyabr, 16:49