OpenAI oʻqotar qurol haqida savol beradigan oʻsmirlar uchun yanada qatʼiy cheklovlar joriy etadi
OpenAI oʻsmirlarning ChatGPT orqali qurol-yarogʻ va xavfsizlik tizimlari haqida amaliy maʼlumot olishiga yangi cheklovlar joriy etishini maʼlum qildi. Bu cheklovlar savol beozor koʻrinsa va zoʻravonlik ishlatish niyatiga ishora qilmasa ham amal qiladi.
OpenAI soʻnggi eʼlonida zoʻravonlikka koʻmaklashish uchun ishlatilishi mumkin boʻlgan qurol-yarogʻ va xavfsizlik tizimlari haqidagi maʼlumotlarga oʻsmirlarning kirishini cheklamoqchi ekanini bildirdi. Shu bilan birga, ChatGPT zoʻravonlikning oldini olish yoki uning xavfini kamaytirish, yordam izlash va ishonchli voyaga yetgan kishi bilan bogʻlanishda yordam berishda davom etadi.
Kompaniya barcha foydalanuvchilar uchun qoidalarni ham kuchaytirmoqda. Jumladan, bu qoidalar qurol, jihozlar va ularni qoʻlga kiritish usullari haqidagi tafsilotlar bilan ommaviy hujumlarni qayta tiklashga, shuningdek, hujumchining mashhurligini oshirishi mumkin boʻlgan zarar koʻlamining batafsil taqqoslanishiga ham tatbiq etiladi.
Yangi choralar avval joriy etilgan ota-ona nazoratini toʻldiradi: ota-onalar oʻzlariga bogʻlangan oʻsmirlar akkauntlari ChatGPTʼning zoʻravonlik yoki tahdidlar haqidagi qoidalarini buzsa, bu haqda bildirishnoma oladi. OpenAI jamoat xavfsizligi haqidagi ilk hisobotini 2027-yil boshida eʼlon qilishni, keyin esa uni har olti oyda yangilab borishni rejalashtirmoqda.
Yana oʻqing
NHTSA kuyishlar haqidagi xabarlardan soʻng 1,2 mln Ford Explorer avtomobilini tekshira boshladi
Texnologiyalar18:02
Maskning ulkan Terafab fabrikasi qurilishi kosmosdan koʻrsatildi
Texnologiyalar9-noyabr, 12:56