Oʻzbekiston Prezidenti Iordaniya qiroli bilan muzokara oʻtkazdi
2026-yil 6-noyabr kuni Astanada Shavkat Mirziyoyev Iordaniya qiroli Abdulla II ibn al-Husayn bilan uchrashdi. Muzokaralarda ikki tomonlama hamkorlikni kengaytirish masalasi muhokama qilindi.
Suhbat Aqaba jarayoni uchrashuvi doirasida boʻlib oʻtdi. Mirziyoyev jahon miqyosida yangi tahdidlar paydo boʻlayotgan bir paytda Iordaniya monarxi tashabbusi bilan yoʻlga qoʻyilgan ushbu platformaning ahamiyatini taʼkidladi.
Ishtirokchilar yetakchilar tomonidan avval erishilgan kelishuvlarning ijrosini va ikki mamlakat oʻrtasidagi munosabatlarni rivojlantirish masalalarini muhokama qildi. Soʻnggi yillarda oʻzaro tashriflar va aloqalar amalga oshirildi, aviaqatnov yoʻlga qoʻyildi, Hukumatlararo komissiya yigʻilishi oʻtkazildi, shuningdek, Biznes kengashi tashkil etildi.
Suhbat yakunida tomonlar savdo-iqtisodiy, investitsiyaviy hamda madaniy-gumanitar sohalarda hamkorlikni kengaytirishga kelishib oldi. Bundan tashqari, ular oliy darajadagi boʻlajak ikki tomonlama tadbirlar jadvali va kun tartibidagi boshqa masalalarni koʻrib chiqdi.
