Kanada sport vaziri: rossiyaliklar neytral maqomsiz yoshlar JChida qatnashmaydi

Kanada sport vaziri Adam van Kuverden Rossiya terma jamoasining 2027 yilgi yoshlar oʻrtasidagi jahon chempionatidagi ishtiroki haqidagi savolga javob berdi. Uning soʻzlariga koʻra, Kanada hukumati va IIHF 2022 yildan beri amal qilayotgan qoidaga tayanishda davom etmoqda: Rossiya va Belarus sportchilari faqat neytral maqomda qatnashishi mumkin.

30 oktabr kuni Sport arbitraj sudi IIHFni Rossiya terma jamoalarini tashkilot shafeligidagi turnirlarga qoʻyishga majbur qildi. Biroq Kanada bosh vaziri Mark Karni avvalroq mamlakat Rossiyaning yoshlar terma jamoasiga 2027 yilgi yoshlar JChida oʻynashga ruxsat bermasligini aytgan edi. Van Kuverden neytral maqom hozircha jamoaviy musobaqalarda qoʻllanmaganini taʼkidladi.

Vazir, shuningdek, Norvegiya sport vaziri bilan suhbatlashganini maʼlum qildi. Kanada dekabr va yanvar oylarida Alberta provinsiyasida oʻtkaziladigan turnirda norvegiyalik sportchilarni koʻrishga umid qilmoqda.