Oʻzbekiston toʻqqiz oyda gaz, avtomobillar, benzin va don importini oshirdi

Oʻzbekistonning tashqi savdo aylanmasi yanvar–sentabr oylarida importning 15,7 foizga oʻsishi fonida oshdi. Aksincha, eksport 5,5 foizga kamaydi, tashqi savdoning manfiy saldosi esa qariyb ikki baravar koʻpaydi. Bu maʼlumotlarni Milliy statistika qoʻmitasi keltirdi.

Xarid qilingan gaz qiymati 1,5 baravar oshdi. Avtomobillar va boshqa transport vositalari importi 26,4 foizga, benzin importi 33,6 foizga, donli ekinlar importi esa 59,4 foizga koʻpaydi.

Xitoy mamlakatning eng yirik savdo hamkori boʻlib qoldi, undan keyingi oʻrinda Rossiya turibdi. Kuchli oʻntalikka, shuningdek, Qozogʻiston, Turkiya, Afgʻoniston, Janubiy Koreya, Birlashgan Arab Amirliklari, Fransiya, Gonkong va Qirgʻiziston kirdi.