Oʻzbekistonda chorrahalar va qayrilib olish joylari yaqinida yoʻl chiziqlarini kesib oʻtganlik uchun bayonnoma rasmiylashtirilmaydi
2026-yil 1-noyabrdan yoʻl-patrul xizmati xodimlari ayrim chorrahalar va qayrilib olish joylari yaqinidagi uchastkalarda 1.1 va 1.3 yoʻl chiziqlarini kesib oʻtganlik uchun bayonnoma rasmiylashtirmaydi. 1-noyabrdan tadbirkorlar oʻrnatgan kameralar xavfsizlik kamarini taqmaganlikni qayd etishi mumkin boʻladi.
Yangi tartib 29-oktabr sanasi bilan rasmiylashtirilgan Vazirlar Mahkamasi qarori bilan joriy etiladi. Istisno chorrahadan oldingi 50 metr ichida va qayrilib olish joyidan oldingi 20 metr ichida amal qiladi. Ushbu hududlardan tashqarida mazkur chiziqlarni kesib oʻtish baribir bayonnoma rasmiylashtirilishiga sabab boʻladi.
Tadbirkorlar oʻrnatgan fotoqayd etish majmualari suratda haydovchining yuzi va qoidabuzarlikning oʻzi aniq koʻrinsa, xavfsizlik kamaridan foydalanish qoidalari buzilganini qayd etishi mumkin. Bundan tashqari, qurilma hodisaning sanasi, vaqti va koordinatalarini avtomatik ravishda uzatishi, elektr taʼminoti uzilganda esa zaxira manbaidan kamida sakkiz soat ishlashi kerak.
